इटहरी । धरान उपमहानरपालिकाले इटहरीको पानीपियामा राखेको सीमा संकेत बोर्ड इटहरीका युवाहरुले उखेलिदिएका छन्।
एमालेसम्बद्ध युवा संघमा आबद्ध युवाहरुले मध्यराती उखेलेर इटहरी उपमहनगरपालिकाको परिसरमा ल्याएर जिम्मा लगाएका हुन् ।
इटहरी सरकारले वास्ता नगरेपछि आफूहरुले आफ्नो नगरको सीमा रक्षा गरेको युवा संघका कमल जंग क्षेत्रीको भनाई छ।
धरानले इतहरीसँगको सीमा पानीपियालाई दाबी गर्दै आएको छ भने इटहरीले लामो समयदेखि सेउती पुल सम्मको भूभागलाई उपयोग गर्दै आएको छ ।
यसअघि पनि जनप्रतिनिधिहरु बसेर विवाद अन्त्य गर्ने प्रयास भएपनि सफल हुन सकेका थिएनन् । विवादकै बीचमा आईतबार धरानले एकतर्फी रुपमा बोर्ड राखेपछि इटहरीवासीले विरोध जनाएका छन् ।
बोर्ड निकालेपछि धरानका मेयरले कानुनी कारवाही अघि बढाउने चेतावनी सामाजिक सञ्जालमार्फत् दिएका छन् ।
