२०७८ साल मङ्सिर १३ गते सोमबार

तेह्रथुममा संस्थापन पक्षको प्यानल नै पराजित, तुम्बाहाङफे बने जिल्ला सभापति

न्युजलय ८ मङ्सिर २०७८, बुधबार ०२:४५ मा प्रकाशित

काठमाडौं । नेपाली कांग्रेसको १४औँ महाधिवेशनअन्तर्गत तेह्रथुम जिल्ला अधिवेशनमा पौडेल समूहले जित हासिल गरेको छ ।

संस्थापन पक्षको प्यानल नै पराजित हुँदा पौडेल समूहका अर्जुनबहादुर तुम्बाहाङफे जिल्ला सभापति बनेका छन् ।

सभापति पदमा सीता गुरुङको समर्थनमा जिल्ला सभापति उठेका कमल ढुंगानालाई पराजित गर्दै तुम्बाहाङफे जिल्ला सभापतिमा विजयी भएका हुन् । विजयी तुम्बाहाङफेले ४५० मत प्राप्त गर्दा ढुंगानाले २३६ मत पाए ।

यस्तै, उपसभापतिमा मचिन्द्र सुब्बा र शिवप्रसाद भट्टराई विजयी भएका छन् । सचिव पदमा विपीन सुब्बा र डिल्लीराम नेपाल विजयी भए ।