काठमाडौँ । विश्व खाद्य संकटको सम्बोधन गर्न अमेरिकाले नेपाललाई १५ मिलियन अमेरिकी डलर अनुदान दिने घोषणा गरेको छ ।
अमेरिकाले नेपालसहित विश्वका ४७ मुलुकहरुलाई खाद्य, रासायनिक मल र इन्धनको मूल्य महंगीएसँगै त्यसबाट बढ्दो गरिबी, भोक र कुपोषणबाट बँच्न सहयोग रकम प्रदान गर्ने जनाएको छ ।
अमेरिकाले विश्व खाद्य संकटको लागि २.७६ बिलियन अमेरिकी डलर अमेरिकी सहयोग नियोग मार्फत् सहयोग गर्ने निर्णय गरेको थियो । सोही कार्यक्रम अन्तर्गत यूएसएआईडीमार्फत् नेपालले १५ मिलियन अमेरिकी डलर पाउन लागेको हो ।
