मोरङ । कृषि सुधारका लागि धनकुटा जिल्लामै पहिलो पटक माटो परीक्षण सुरु गरिएको छ ।
साँगुरीगढी गाउँपालिकाका अध्यक्ष जितेन्द्र रुम्दालीले गाउँपालिका क्षेत्रको माटो परिक्षण गरेर उपयुक्त बालीको लागि सल्लाह दिइने बताए ।
अध्यक्ष रुम्दालीले माटो परीक्षणका लागि प्रयोशाला स्थापना गरी कृषकलाई निःशुल्क सेवा दिइएको बताए ।
माटो परीक्षणका क्रममा माटोमा देखिने अम्लियपन, प्राङ्गारिक अवस्था, नाइट्रोजन, पोटास, फोस्फोरस र छारेपनलगायतको अवस्था जाँच्ने र सोहीअनुसार सुधार गर्न सिफारिस गरिने गाँउपालिकाको कृषि शाखाले जनाएको छ।
