काठमाडौँ । नेकपा माओवादी केन्द्रले पार्टीको महासचिवमा देव गुरुङलाई चयन गरेको छ। शनिबार बसेको स्थायी समिति बैठकले यसअघि चर्चामा आएका जनार्दन शर्मा र वर्षमान पुनको नामलाई पन्छाउँदै गुरुङलाई चयन गरेको हो । योसँगै माओवादीले २१ सदस्यीय पदाधिकारी टुंगो लगाएको छ ।

माओवादीले २१ जनाको पदाधिकारीमा एक जना अध्यक्ष, एक जना वरिष्ठ उपाध्यक्ष, एक जना उपाध्यक्ष एक जना महासचिव, ७ जना उपमहासचिव, ९ जना सचिव र एक जना कोषाध्यक्ष बनाएको छ।

अन्य २१ पदाधिकारी यी हुन्

अध्यक्ष – पुष्पकमल दाहाल ‘प्रचण्ड’

वरिष्ठ उपाध्यक्ष – नारायणकाजी श्रेष्ठ ‘प्रकाश’

उपाध्यक्ष – कृष्णबहादुर महरा

महासचिव – देव गुरुङ

उपमहासचिव –  वर्षमान पुन, पम्फा भुसाल, जनार्दन शर्मा, गिरिराजमणि पोखरेल, शक्ति बस्नेत, मात्रिका यादव,हरिबोल गजुरेल

सचिव –  दीनानाथ शर्मा, चक्रपाणि खनाल, देवेन्द्र पौडेल, लीलामणि पोखरेल, गणेश शाह, हितमान शाक्य, हितराज पाण्डे, डिलाराम आचार्य र राम कार्की

कोषाध्यक्ष – श्रीराम ढकाल प्रशान्त रहेका छन् । माओवादीले गत पुसमै महाधिवेशन गरे पनि पदाधिकारी चयन गर्न सकेको थिएन।