उदयपुर । उदयपुरगढी गाउँपालिका–७ हाडे बासबाट करिब १६ किलो ३ सय ३० ग्राम गाँजासहित २ जनालाई बिहीबार दिउँसो प्रहरीले पक्राउ गरेको छ।
पक्राउ पर्नेहरूमा रौतामाई गाउँपालिका–४ मालवासे बस्ने ५५ वर्षीय मोटे रोका र २३ वर्षीय नेत्र परियार रहेका छन्। जिल्ला प्रहरी कार्यालय उदयपुरबाट खटिएको प्रहरीले उनीहरूलाई उक्त गाँजासहित पक्राउ गरेको हो।
प्रहरीले उक्त घटनाबारे थप अनुसन्धान गरिरहेको जनाएको छ।
