धरान । धरान उपमहानगरपालिका–६ पानवारीमा एक थान भरुवा बन्दुक फेला परेको छ ।
पानवारीस्थित राय चौरीमा प्रहरीको टोलीले बेवारिसे अवस्थामा भरुवा बन्दुक फेला पारेको हो ।
स्थानीयवासीले दिएको सूचनाको आधारमा राय चौरी खेल–मैदानको उत्तरतर्फको बाँसको ठुटाहरूभित्र लुकाई राखिएको एक नाल भरुवा बन्दुक फेला परेको जिल्ला प्रहरी कार्यालय सुनसरीले जनाएको छ ।
घटनाबारे थप अनुसन्धान भइरहेको प्रहरीको भनाइ छ ।
