काठमाण्डौ । पूर्व सञ्चारकर्मी रवि लामिछानेको प्रस्तावित पार्टीको नामका विषयलाई लिएर निर्वाचन आयोगमा अर्को उजुरी पनि परेको छ ।
स्वतन्त्र उम्मेदवारी घोषणा गरेका मनोज पण्डित, राजकुमार बजगाईं, पुष्कर शाहलगायतका व्यक्तिहरूका तर्फबाट आयोगमा उजुरी परेको हो ।
दलको नाम स्वतन्त्र रहँदा समाजमा भ्रम र अन्योल उत्पन्न हुने तथा स्वतन्त्र शब्दको अर्थ नै अपव्याख्या हुने भएकाले यस सम्बन्धमा विचार गरी उपयुक्त निर्णय लिन उजुरीमा माग गरिएको छ ।
राष्ट्रिय स्वतन्त्र पार्टीको दल दर्ता रोक्नुपर्ने माग उनीहरूको छ । लामिछानेले मंगलवार नयाँ दल गठनको घोषणा गर्दै दल दर्ताका लागि निर्वाचन आयोगमा निवेदन दिएका थिए ।
