काठमाडौं । सशस्त्र प्रहरी बलका २३८ जना डिएसपीको सरुवा गरिएको छ । सिसम–५ का डिएसपीहरुलाई गुल्म प्रमुखमा सरुवा गरिएको हो । २७ वटा स्थायी गुल्मका गुल्मपतिहरु परिवर्तन भएका छन् । १७ वटा आश्रित गुल्म (अस्थायी)मा डिएसपीहरुको काज सरुवा गरिएको छ ।
आश्रित गुल्ममा पनि सबै सिनियर अधिकृतहरूलाई काज खटाएको छ । जुनियर अधिकृतहरूलाई गण, बाहिनी र प्रधान कार्यालयमा सरुवा गरिएको सशस्त्र प्रहरी प्रधान कार्यालयले जनाएको छ ।
पूर्वी नवलपरासीस्थित ३१ नम्बर गुल्ममा बिनोद खतिवडालाई सरुवा गरिएको छ । ३५ नम्बर गुल्म पाल्पामा उद्धव पुन, २९ नम्बर गुल्म गोरखामा सुजित विष्ट, १९ नम्बर गण नुवाकोटका उत्तम पुडासैनी र ५० नम्बर गुल्म दार्चुलामा ईश्वरीदत्त भट्टलाई सरुवा गरिएको छ ।
