सोलुखुम्बु । सोलुखुम्बुको चन्द्रज्योति माध्यमिक विद्यालयमा अध्ययनरत आशिष विकले विद्युतीय मोटरसाइकल बनाएका छन् ।
लिखुपिके गाउँपालिका–५ भकाञ्जेस्थित विद्यालयमा ९ कक्षामा पढ्ने विकले विद्युतीय मोटरसाइकल निर्माण गरेका विद्यालयका शिक्षक माधव बस्नेतले जानकारी दिए ।
शिक्षक बस्नेतका अनुसार विक बुधवार आफैंले निर्माण गरेको मोटरसाइकलमा विद्यालय आएका थिए ।
आफैंले बनाएको मोटरसाइकल लिएर विद्यालय पुगेका आशिषलाई विद्यालयका शिक्षक तथा कर्मचारीहरूले खादासहित सम्मान गरेका थिए ।
साथै उनको आर्थिक अवस्था कमजोर रहेकाले सहयोग गर्नका लागि विभिन्न संघसंस्थाका साथै स्थानीय सरकारसँग विद्यालयले आग्रह गरेको छ ।
विद्यालयका अनुसार उनले करिब २० दिनको प्रयासपछि मोटरसाइकल बनाएका हुन् ।
