विराटनगर । कोशी प्रदेशका मुख्यमन्त्री उद्धव थापाले आज नै विश्वासको मत लिने भएको छन् ।
प्रदेश सभाका उपसभामुख सिर्जना दनुवार बिरामी भएको भन्दै बिदामा बसेपछि मुख्यमन्त्रीले विश्वासको मत लिने योजना अन्योलमा परेको थियो ।
तर कोशी प्रदेशको सत्ता गठबन्धन बैठकले आजै विश्वासको मत लिने निर्णय गरेको बताइएको छ ।
आजको बैठक कोशी प्रदेश सभाका अध्यक्षमण्डलका सदस्य इसराइल मन्सुरीले सञ्चालन गर्ने छन् ।
उपसभामुख दनुवार र अध्यक्ष मण्डलका सदस्यहरु एमालेकी मालती सुब्बा लिम्बू र अमरबहादुर बिष्ट अनुपस्थित हुने भएकाले मन्सुरीको अध्यक्षतामा प्रदेश सभा बैठक बस्ने भएको हो ।
उपसभामुख दनुवार पनि मन्सुरीलाई नै बैठक सञ्चालनको अधिकार दिएर बिदामा बसेकी छन् ।
