भक्तपुर । रुख ढलेर सडकमा गुडिरहेको बस र स्कुटरलाई किच्दा भक्तपुरको सल्लाघारीमा तीन जनाको मृत्यु भएको छ । घटनामा १२ जना घाइते भएका छन् ।
मृतकमध्ये एक जना नितेश खर्वुजा छन् भने बाँकी दुई जनाको सनाखत हुन सकेको छैन ।
काठमाडौंबाट भक्तपुरतर्फ गइरहेको बा २ ख ३५८४ नम्बरको यात्रुवाहक बस र बा ६१ च नम्बरको स्कुटर रुख ढलेर च्यापिएका हुन् ।
अहिले नेपाली सेनाले सडकमा ढलेका रुख हटाउने काम गरिरहेको छ ।
