काठमाडौँ । हाल देशभर मनसुनी वायुको प्रभाव रहेको छ।
जसका कारण गण्डकी, लुम्बिनी र सुदूरपश्चिम प्रदेशमा सामान्यदेखि पूर्ण बदली रही बाँकी प्रदेशमा आंशिकदेखि सामान्य बदली रहेको मौसम पूर्वानुमान महाशाखाले जनाएको छ।
कोशी, गण्डकी र लुम्बिनी प्रदेशका केही स्थान र बाँकी प्रदेशका थोरै स्थानमा मेघगर्जन र चट्याङसहित वर्षा भइरहेको छ।
दिउँसो देशभर सामान्यदेखि पूर्ण बदली रहनेछ। महाशाखाका अनुसार कोशी र गण्डकी प्रदेशका केही स्थानमा मेघगर्जन र चट्यासहित भारी वर्षा हुनेछ।
यस्तै, राति कोशी, मधेश, गण्डकी, लुम्बिनी र सुदूरपश्चिम प्रदेशमा मेघगर्जन र चट्याङसहित भारी वर्षाको सम्भावना छ। मधेश र लुम्बिनी प्रदेशका तराई भूभागमा हावाहुरीसमेत चल्ने महाशाखाले जनाएको छ।
