काठमाडौँ । प्रधानमन्त्री शेरबहादुर देउवाले बेलायती महारानी एलिजाबेथ द्वितीयलाई नेपालले सधैं सम्झिइरहने बताएका छन् ।
प्रधानमन्त्री देउवाले महारानी एलिजाबेथको निधनप्रति दुःख व्यक्त गर्दै नेपाल र नेपाली नागरिकले एक ठूलो प्रशंसक गुमाएको बताएका छन् ।
प्रधानमन्त्री देउवाले सामाजिक सञ्जालमा बेलायती शाही परिवारप्रति समवेदना प्रकट गरेका हुन् ।
प्रधानमन्त्री देउवाले सन् १९६१ र १९८६ मा भएको महारानीको राजकीय भ्रमणलाई पनि नेपालले सम्झिइरहने बताएका छन् । बेलायतमा सात दशकभन्दा लामो समय शासन गरेकी महारानी एलिजाबेथ द्वितीयको ९६ वर्षको उमेरमा बिहीबार निधन भएको हो।
