काठमाडौं । नेपाली कांग्रेसका महामन्त्री गगनकुमार थापाले अर्थमन्त्री जनार्दन शर्माले तत्काल राजीनामा दिनुपर्ने माग गरेका छन् ।
बजेट निर्माणको क्रममा अनधिकृत मान्छे मन्त्रालय छिराएको र करको दर हेरफेर गरेको आरोप लागेका शर्मामाथि प्रमुख प्रतिपक्षी दल नेकपा (एमाले)ले राजीनामा मागेको अवस्थामा सत्तारुढ दल कांग्रेसकै सांसद थापाले पनि राजीनामा मागेका हुन् ।
आज (सोमबार) बसेको प्रतिनिधिसभाको बैठकपछि संसद् भवन परिसरमा पत्रकाहरुसँग कुरा गर्दै उनले भने,‘अर्थमन्त्रीको सम्बन्धमा संसदभित्र र बाहिर प्रश्नहरू उठेकोले तत्काल राजीनामा दिनुपर्छ । अर्थमन्त्रीले स्वेच्छाले राजीनामा नदिएमा प्रधामन्त्रीले पदबाट हटाएर तत्काल छानबिन गर्नुपर्छ ।’
