धरान । गत बुधबार धरान ४ स्थित धरान भेडेटार सडक खण्डको जङ्गलमा जेब्रा झोला भित्र फेला परेको शवको सनाखत भएको छ ।
यस्तै, प्रहरीले हत्यामा संलग्न रहेका दुई जनालाई पक्राउ समेत गरेको छ ।
घटनाको बारेमा अहिले प्रहरीले केही जानकारी दिएको छैन । घटनाबारे विस्तृत जानकारी गराउन इलाका प्रहरी कार्यालय धरानले पत्रकार सम्मेलन गर्ने तयारी गरेको छ ।
गएको बुधवार र बिहीबार धरान भेडेटार सडक खण्डको आपगाँछी क्षेत्र जङ्गलमा २ वटा झोलामा पुरुषको शरीरको विभिन्न भागहरू काटेर फालेको अवस्थामा शव भेटिएको थियो । उक्त घटनामा सङ्घीय प्रहरी इकाई कार्यालय, इलाका प्रहरी कार्यालय र जिल्ला प्रहरी कार्यालय सुनसरीको टोलीले अनुसन्धान गरिरहेको थियो ।
