इटहरी । प्रदेश १ मा पछिल्लो २४ घण्टामा ४६ जनामा कोरोना भाइरस सङ्क्रमण देखिएको छ ।
३७८ जनाको पीसीआर परीक्षण गर्दा ३४ र १४१ जनाको एन्टिजेन परीक्षण गर्दा १२ जनामा सङ्क्रमण देखिएको सामाजिक विकास मन्त्रालयले जनाएको छ ।
मन्त्रालयका अनुसार पीसीआर परीक्षणका आधारमा मोरङमा २३, सुनसरीमा ६, झापामा २ र प्रदेश १ बाहिरका ३ जनामा सङ्क्रमण देखिएको हो ।
प्रदेश १ मा आज १६ जना कोरोना सङ्क्रमणमुक्त भएका छन् । सङ्क्रमणमुक्त हुनेमा ९ महिला र ७ पुरुष रहेका छन् । सक्रिय सङ्क्रमितको सङ्ख्या १६८ रहेको सामाजिक विकास मन्त्रालयले जनाएको छ ।
