झापाबाट लागुऔषध सहित एक जना पक्राउ

न्युजलय २३ माघ २०७८, आइतबार ०७:१३ मा प्रकाशित

झापा। झापाबाट लागुऔषध सहित एक जना पक्राउ परेका छन्। दमक नगरपालिका– १ का २६ वर्षीय प्रकाश सिटौलालाई लागुऔषध सहित पक्राउ गरेको हो।

शनिबार बेलुका ईलाका प्रहरी कार्यालय दमकबाट खटिएको प्रहरी टोलीले उनको घर कोठाबाट नाइट्रभेट ७५ ट्याब्लेट र स्काउफ १०० एमलको ७ बोतल फेला पारेको थियो।

पक्राउ परेका सिटौलालाई ईलाका प्रहरी कार्यालय दमकले थप अनुसन्धान गरिरहेको छ।