विराटनगर । मोरङको सुन्दरहरैंचा नगरपालिकामा जग्गाको नापजाँच सुरू भएको छ ।
राष्ट्रिय भूमि आयोगले बुधबारदेखि भूमिहीन दलित, भूमिहीन सुकुम्बासी र अव्यस्थित बसोबासीलाई जग्गा उपलब्ध गराउने प्रक्रिया सुरू गरेको हो।
सुन्दरहरैंचा –१० बाट सुकुम्बासी र अव्यवस्थित बसोबासीका लागि जग्गा नापजाँच सुरू गरिएको छ।
भूमि आयोगसँग सम्झौता गरी काम थालेको सुन्दरहरैंचा पहिलो नगरपालिका हो। यो नगरपालिकामा १२ वटा वडा छन्। ती १२ वटैमा सुकुम्बासी र भूमिहीन दलित छन्।
