विराटनगर । मनमोहन प्राविधिक विश्वविद्यालयको उपकुलपतिमा दोस्रो कार्यकालको लागि सुवासश्री पोखरेल नियुक्त भएका छन्।
कोशी प्रदेश सरकार मुख्यमन्त्री तथा मन्त्री परिषद्को बैठकले पोखरेललाइ उपकुलपतिमा नियुक्त गरेको हो । कोशी प्रदेश सरकार स्थापना भएसँगै कोशी प्रदेशमा नेपाल मै पहिलो पटक प्राविधिक विश्वविद्यालय स्थापना भएको थियो ।
उपकुलपतिमा नियुक्त भएका पोखरेलको कार्यकाल ४ बर्षको हुने छ । एक कार्यक्रमका बिच कुलपति एबंम मुख्यमन्त्री हिक्मत कुमार कार्कीले दुहबी–५ का पोखरेललाई नियुक्त गरेका हुन् । मुख्यमन्त्री तथा कुलपति कार्कीले नव नियुक्त उपकुलपति पोखरेललाइ शपथ गराएका थिए ।
