धरान । धरान जेसीज वर्ष २०२१ को पदस्थापना तथा पुरस्कार वितरण कार्यक्रम आईतबार सम्पन्न भएको छ ।

धरान १ स्थीत सुनसरी उद्योग वाणिज्य संघको सभाहलमा भएको उक्त कार्यक्रममा धरान जेसीज वर्ष २०२१ का पदाधिकारीहरुको बिदाई र वर्ष २०२२ का नवनिर्वाचित पदाधिकारीहरुको स्वागत गरिएको छ । ४६ औं पदस्थापन तथा पुरस्कार वितरण कार्यक्रममा धरान जेसीजको परियोजनाको रुपमा रहेको जुनियर जेसीजको समेत २५औं पदस्थापन समारोह समेत सम्पन्न गरिएको छ ।

धरान जेसीज वर्ष २०२१ का अध्यक्ष मणिराज अधिकारीको सभापतित्व, प्रदेश १ का आन्तरीक मामिला तथा कानुन मन्त्री केदार कार्कीको प्रमुख आतिथ्यमा आयोजित कार्यक्रममा वर्ष २०२२ का लागि निर्वाचित भएको धरान जेसीजको अध्यक्ष प्रतीक श्रेष्ठलाई वर्ष २०२१ का अध्यक्ष मणिराज अधिकारीले शपथ ग्रहण गराएका छन् भने नवनिर्वाचित अध्यक्ष प्रतीक श्रेष्ठले आफनो कार्यसमितिका निर्वाचित तथा मनोनित गरेको पदाधिकारीहरुलाई शपथ ग्रहण गराएका छन् ।

पदाधिकारीहरुमा कार्यकारिणी उपाध्यक्षद्वय सागर प्रसाई, सलुजा मास्के, कानुनी सल्लाहकार आशिषराज यादब, महासचिव रिशीराम भट्राई, कोषाध्यक्ष आयुष्मा शाक्य, उपाध्यक्षहरु कायुङ राई, राजेन्द्र रिजाल, निशान नेपाल, शुभम् शाक्य, सचिव राजु शाक्य, आर्थिक सल्लाहकार दिपा श्रेष्ठ, जनसम्पर्क अधिकारी रीमा थापा मगर, जुनियर जेसीज संयोजक अनिल श्रेष्ठ, तालिम निर्देशक कृष्ण केसी वर्मा, शाखा सम्पादक खेमकला काङबाङ (आयुष्मा), प्रकरण निर्देशक लोकेन्द्र श्रेष्ठ, संघसंस्था संयोजक ईन्द्रबहादुर कार्की, कोष वृद्धि संयोजक बिदुर थापा, भवन निर्माण संयोजक वर्षा अग्रवाल (श्रेष्ठ), सामुदायिक कार्यक्रम संयोक सुमित्रा राई (सन्जु) र रेकर्ड एण्ड रिकगिनसन अफिसर पुजा अग्रवाल रहेका छन् । 

यसैगरी धरान जुनियर जेसीज २०२१ का अध्यक्ष साहिल भुजेलले २०२२ का अध्यक्ष आयुष्मान कार्कीलाई शपथ ग्रहण गराएका छन् । 

उक्त पदस्थापन कार्यक्रममा नयाँ नेतृत्वले आफना भावी कार्यक्रमहरुलाई प्रस्तुत गर्यौ भने पुरानो नेतृत्वले आफूले सम्पन्न गरेको कार्यक्रमहरुको प्रतिवेदन प्रस्तुत गरेको छ । यसैगरी वर्षभरि शाखाको हरेक क्षेत्रमा आफूलाई संलग्न गराउदै उत्कृष्ट हुने जेसीजहरुलाई पुरस्कार वितरण गरिएको छ । जसमा श्याम–रेवा एवार्ड आयुष्मा शाक्य, राधा–मीना एवार्ड सलुजा मास्के, रमेश–टिका एवार्ड खेमकला काम्बाङ (आयुष्मा), शुरेश–पुष्पा एवार्ड वर्षा अग्रवाल, लक्ष्मण–उषा एवार्ड कायुङ राई, प्रभु–रोहिणी एवार्ड कृष्ण केसी वर्मा, कंचन ओराटरी एवार्ड साहिल भुजेल, के.आर.मेमोरियल एवार्ड सोनाहाङ राई, भोला–भगवती एवार्ड पुजा अग्रवाल, जनमत एवार्ड राजेन्द्र रिजाल, साबित्री मेमोरियल एवार्ड सागर प्रसाई, लोक–दिल एवार्ड राजु शाह, सुमन–सबिता एवार्ड रीमा थापा, शिव–रुपा एवार्ड मुस्कान मास्के, आनन्द–पावर्ती एवार्ड ईन्द्र बा.कार्की, कुलगंगा एवार्ड सन्जु राई (सुमित्रा), माधव–कमला एवार्ड रिशीराम भट्राई, सुदामा देवी–रामसेवक एवार्ड विजय घिमिरे, जसोदा–खड्ग एवार्ड दिपा श्रेष्ठले पाउन सफल रहेको पुरस्कार छनौट समितिका अध्यक्ष धरान जेसीजका भूपू अध्यक्ष अतुलदिप श्रेष्ठले बताएका छन् । 

सन् १९७५ मा बिराटनगर जेसीजको मातृत्वमा धरान जेसीजका संस्थापक अध्यक्ष सिनेटर श्याम गोबिन्द श्रेष्ठद्वारा स्थापित धरान जेसीजले हालसम्म ४५ जना अध्यक्षहरुले नेतृत्व गरिसकेका छन्।