काठमाडौं । अफगानिस्तानले पाकिस्तानमाथि ८ विकेटको ऐतिहासिक जित हात पारेको छ।
अफगानिस्तानले पहिलो पटक ओडिआई खेलमा पाकिस्तानलाई हराएको हो। यसअघि इंग्ल्यान्डलाई हराएको अफगानिस्तानले पाकिस्तानलाईसमेत हराएको हो ।
जितको लागि २ सय ८३ रनको विजयी लक्ष्य पछ्याएको अफगानिस्तानले ४९ ओभरमा २ विकेट गुमाउँदै पूरा गर्यो ।
यो अफगानिस्तानले ओडिआईमा पूरा गर्यो सर्वाधिक ठूलो लक्ष्य पनि हो। यसअघि अफगानिस्तानले ओडिआईमा सर्वाधिक ठूलो लक्ष्य २०१४ मा २ सय ७४ रनको लक्ष्य पूरा गरेको थियो ।
पाकिस्तानका हसन अली र शाहिन शाह अफ्रिदीले समान एक एक विकेट लिए।
त्यसअघि टस जितेर पहिला ब्याटिङ रोजेको पाकिस्तानले निर्धारित ५० ओभरमा ७ विकेट गुमाउँदै २ सय ८२ रन बनाएको थियो।
पाकिस्तानका कप्तान बाबर आजमले ९२ बलमा ४ चौका र १ छक्कासहित सर्वाधिक ७४ रन बनाएपनि जितको लागि पर्याप्त हुन सकेन।
अफगानिस्तानका नुर अहमदले १० ओभरमा ४९ खर्चेर ३ विकेट लिए ।
जितसँगै अंकतालिकाको पुच्छारमा रहेको अफगानिस्तान एकैपटक छैटौं स्थानमा उक्लिएको छ। उता पाकिस्तान भने चौथोबाट पाँचौं स्थानमा झरेको छ। अफगानिस्तान र पाकिस्तान दुवैको चार अंक छ।
