काठमाण्डौ । पाल्पामा बस दुर्घटना हुँदा दुई जनाको मृत्यु भएको छ भने ४ जना गम्भिर घाइते भएका छन् ।
रैनादेवि छहरा गाउँपालिकास्थित–६ को पानीडाँडाबाट जुठापानी तर्फ जाँदै गरेको गु १ ख ४९०९ नम्बरको बस सडक देखि करिब चार सय मिटर तल खसेर दुर्घटना भएको थियो ।
दुर्घटनामा परी सोही वडाको धारापानीका ४२ वर्षीय वेदबहादुर जिसी र सोही स्थानका होमबहादुर रासकोटीका ७ वर्षीय छोरा अशोक रासकोटीको मृत्यु भएको जिल्ला प्रहरी कार्यालय पाल्पाले जनाएको छ ।
मृतक जिसी बस धनी र चालक समेत हुन् । दुर्घटनामा ४ जना बालकहरू गम्भीर घाइते भएका छन् । घाइते हुनेहरू मध्ये ३ जनाको लुम्बिनी मेडिकल कलेज पाल्पा प्रभासमा उपचार भइरहेको र एक जनालाई भैरहवा रिफर गरिएको प्रहरीले जनाएको छ ।
