विराटनगर । मोरङको रतुवामाई नगरपालिका–३, छालगाछीबाट ब्राउनसुगरसहित एकजना पक्राउ परेका छन् ।
पक्राउ पर्नेमा पथरी शनिश्चरे नगरपालिका–४ का ५३ वर्षीय खड्कप्रसाद सिलवाल रहेका छन् ।
उनको साथबाट ६८८ ग्राम अवैध ब्राउनसुगर बरामद भएको प्रहरीले जनाएको छ ।
भारतबाट नेपालतर्फ आउँदै गरेको बा ७६ प ४६९७ नम्बरको मोटरसाइकललाई प्रहरीचौकी महादेवाबाट खटिएको प्रहरी टोलीले जाँच गर्ने क्रममा मोटरसाइकल चालक सिलवाललाई उक्त पदार्थसहित फेला पारी पक्राउ गरेको जनाइएको छ ।
