नुवाकोट । नुवाकोट किस्पाङ गाउँपालिका–३ किर्नेबेगरमा बस दुर्घटना भएको छ । बसमा सवारमध्ये ६ जना यात्रु गम्भीर घाइते भएका छन् ।
वाग्मती प्रदेश ३०१००६ ख १५४१ नम्बरक टिमुरे यातायात समितिले यात्रुबाहक बस किस्पाङ १ भाल्चेबाट त्रिशूली हुँदै काठमाडौ जाने क्रममा दुर्घटना भएको जिल्ला प्रहरी कार्यालय नुवाकोटले जनाएको छ ।
बसमा सवार आधा दर्जन यात्रु गम्भीर घाइते भइ थप उपचारको लागि काठमाडौं पठाउने तयारी गरिरहेको जिल्ला प्रहरी कार्यालयले जनाएको छ ।
घाइतेहरुको जिल्ला अस्पताल त्रिशूलीमा उपचार भइरहेको छ । बस सडकबाट करिब ६० फिट तल खसेको थियो । घाइतेको उद्धारका लागि नेपाल प्रहरी, सशस्त्र प्रहरी, जबरजंगगणका सेना, स्थानीयवासी खटिएका थिए ।
बसमा कति सवार थिए भन्ने यकिन जानकारी आउन बाँकी रहेको प्रहरीले जनाएको छ ।
