थप एक जना कोरोना संक्रमितको मृत्यु

न्युजलय १७ माघ २०७८, सोमबार ०४:४४ मा प्रकाशित

काठमाण्डौ । भेरी अस्पतालमा नेपालगञ्जमा उपचाररत थप एकजना कोरोना संक्रमितको मृत्यु भएको छ । 

मृत्यु हुनेमा रुकुम पश्चिम आठबीस नगरपालिका–६ का ६५ वर्षीय पुरुष रहेका बताइएको छ ।

१५ माघमा भेरी अस्पतालमा पिसीआर गरिएका उनलाई १६ गते भर्ना गरिएको थियो । 

उनको सोमबार(आज) बिहान मृत्यु भएको हो । मृतकले कोरोनाविरुद्धको खोप लगाएका थिएनन् ।