काठमाडौं । काठमाडौंको शंखमुलमा २९ वर्षीया सहारा गुरुङ मृत भेटिएकी छिन् ।
उनका पति ३६ वर्षीय प्रकाश पौडेल बेहोस अवस्थामा फेला परेको महानगरीय अपराध महाशाखाले जनाएको छ । प्रकाशलाई उपचारका लागी बानेश्वरस्थित भेनस अस्पतालमा राखिएको छ ।
सहाराको शव पोष्टमार्टमका लागी त्रिवि शिक्षण अस्पताल महाराजगञ्जमा पठाइएको छ । प्रहरीको प्रारम्भिक अनुसन्धानबाट पति–पत्नी दुवैले डिप्रेशनको औषधि खाने गरेको खुलेको छ ।
शव प्रकृति हेर्दा सहाराको शव ३ दिन पुरानो हुनसक्ने बताइएको छ । परिवारले ढोका फुटाएर हेर्दा सहारा मृत अवस्थामा र प्रकाश उनीसँगै बेहोस अवस्थामा भेटिएका हुन् ।
