काठमाडौं । भारतमा बैतडीका एक युवकको हत्या भएको छ ।
बैतडीका राजेन्द्र लुहारको भारतको पिथौरागढस्थित जाजरदेवलमा उनकै साथीहरुले हत्या गरेको खुलेको बैतडी प्रहरीले जनाएको छ ।
‘शनिबार लुहारसहित उनका साथीहरु जाजरदेवलको एक डाँडामा होली खेल्न गएका र त्यहीँ विवाद हुँदा लुहारको हत्या गरिएको प्रहरीको भनाइ छ ।
लुहारसँगै उनका साथी ललित सिंह र अर्जुन सिंह होली खेल्न गएको र विवादका क्रममा लुहारको हत्या भएको बैतडी प्रहरी प्रवक्ता दर्शन खड्काले बताए ।
