झापा । झापामा ट्रकको ठक्करबाट मोटरसाइकल चालकको मृत्यु भएको छ।
विर्तामोड–६ बुट्टाबारीस्थित पूर्वपश्चिम राजमार्गमा बुधबार(आज) बिहान पश्चिमबाट पूर्वतर्फ जाँदै गरेको बागमती प्रदेश ०३–००–१ ख २१४० नम्बरको ट्रकले विपरित दिशाबाट आउँदै गरेको प्रदेश १–०१–०१५ प १७६५ नम्बरको मोटरसाइकललाई ठक्कर दिँदा मोटरसाइकल चालक मेचीनगर–८ बस्ने २७ वर्षीय बमबहादुर लेप्चा घाइते भएका थिए ।
उनलाई उपचारको लागि विर्तामोडमा रहेको बिएण्डसी अस्पताल ल्याइएकोमा अस्पतालमा चिकित्सकले उनलाई मृत घोषणा गरेका हुन् ।
ट्रक र चालक मकवानपुर भिमफेदी २ का २९ वर्षीय सन्तोष निजार प्रहरी चौकी चारआलीको नियन्त्रणमा रहेको जिल्ला प्रहरी कार्यालय झापाले जनाएको छ।
