काठमाडौं । लागुऔषध ब्राउन सुगरसहित कपनबाट पक्राउ परेका दुई जनाको बयानको आधारमा प्रहरीले थप एक जनालाई पक्राउ गरेको छ ।
पक्राउ पर्नेमा भोजपुर घर भई काठमाडौंको तार्केश्वर नगरपालिका–११ बस्ने २४ वर्षका मितेन शेर्पा (तेन्जिङ) छन् ।
माघ २४ मा साँझ महानगरीय प्रहरी प्रभाग कपनबाट खटिएको टोलीले आकाशे धाराबाट २२ वर्षीय पासाङ छिरिङ शेर्पा र २३ वर्षका खगेस खत्रीलाई पक्राउ गरेको थियो ।
शुरुमा पक्रा परेका पासाङ छिरिङबाट प्रहरीले ६ ग्राम ब्राउन सुगर बरामद गरेको थियो । सो ब्राउन सुगर कञ्चनपुर घर भएर बुढानिलकण्ठ नगरपालिका–१० कपनमा बस्ने खत्रीले राख्न दिएको पासाङ छिरिङले बयान दिएका थिए ।
थप कारोबारीको सुराकको आधारमा महानगरीय प्रहरी प्रभाग कपनको टोलीले मितेनलाई नयाँ बसपार्क स्थित हिलेटोलबाट पक्राउ गरेको हो । मितेनको साथबाट १६.८ ग्राम ब्राउन सुगर बरामद गरिएको छ ।
उनिहरुको साथबाट २ थान डिजिटल तराजु पनि बरामद गरिएको छ । आरोपीहरु बिरुद्ध लागु औषध नियन्त्रण ऐन–२०३३ अनुसार प्रहरीले अनुसन्धान गरिरहेको छ ।
