वीरगञ्ज । पर्सामा २ जना कोरोना संक्रमितको मृत्यु भएको छ । मृत्यु हुनेमा दुवैजना पुरुष रहेका छन् ।
वीरगञ्जस्थित नारायणी अस्पतालमा वीरगञ्ज –३ प्रगतीनगर का ७३ बर्षीय पुरुषको शनिबार (आज) बिहान उपचारको क्रममा मृत्यु भएको नारायणी अस्पतालले जनाएको छ ।
स्वाश प्रश्वासमा समस्या भएपछि माघ १४ गते एन्टिजेन परीक्षणको क्रममा कोरोना संक्रमण देखिएपछि अस्पताल भर्ना गरिएको थियो ।
संक्रमितको अवस्था झन जटिल बन्दै गएपछि भेन्टीलेटरमा राखेर उपचार भईरहेकोमा आज बिहान मृत्यु भएको हो । मृतक पुरुषले यसअघि कोरोना संक्रमण विरुद्धको कोभिसिल्ड खोपको दुई डोज समेत लगाएका थिए ।
यस्तै नारायणी अस्पतालमै बारा जिल्लाको कलैया –५ का ६५ वर्षीय पुरुषको उपचारको क्रममा आज बिहान मृत्यु भएको छ ।
स्वास्थ्यमा समस्या भएपछि माघ १४ गते एन्टिजेन परीक्षणको क्रममा कोरोना संक्रमण देखिएपछि अस्पताल भर्ना गरिएको र आज बिहान उपचारको मृत्यु भएको हो ।
मृतक पुरुषले यस अघि कोरोना संक्रमण विरुद्धको भेरोसेल खोपको दुई डोज समेत लगाएका थिए ।
