काठमाडौं । भारतले यू–१९ एसिया कपको उपाधि जितेको छ।
शुक्रबार भएको खेलमा श्रीलंकालाई डक अफ वर्थ लुइस नियमअनुसार ९ विकेटले हराउँदै भारतले उपाधि आफ्नो नाममा गरेको हो।
यूएईको दुबईमा वर्षाले प्रभावित भएको खेलमा भारतले जितको लागि १०२ रनको लक्ष्य पाएको थियो।
जवाफी ब्याटिङ गरेको भारतले १ विकेटको क्षतिमा लक्ष्य पूरा गर्यो।
यसअघि टस जितेर ब्याटिङ गरेको श्रीलंकाले वर्षाले खेल रोकिनुभन्दा अगाडि ७ विकेटको क्षतिमा ७१ रन बनाएको थियो।
वर्षा रोकिएपछि पुनः सुरु भएको खेलमा श्रीलंकाले ३८ ओभरमा ९ विकेट गुमाउँदै १०६ रन बनाएको थियो।
डक अफ वर्थ लुइस नियमअनुसार भारतले १०२ रनको लक्ष्य पाएको थियो। यसअघि सेमिफाइनलमा भारतले बंगलादेश र श्रीलंकाले पाकिस्तानलाई हराएका थिए।
