नेपाल एयरलाइन्सले काठमाडौं–मुम्बई उडान पुनः सुरु गर्ने

न्युजलय २६ फाल्गुण २०७८, बिहिबार ०८:१५ मा प्रकाशित

काठमाडौं । नेपाल एयरलाइन्सले चैत १३ गतेदेखि भारतको मुम्बईमा नियमित उडान पुनः सुरु गर्ने भएको छ ।

कोरोना महामारी सुरु भएपछि पछिल्लो दुई वर्षयता हवाई उडान बन्द रहेको यो रुटमा १३ चैतदेखि पुनः उडान सुरु गर्न लागेको नेपाल एयरलाइन्सले जनाएको छ ।

नेवानिले यो रुटमा साताको तीन वटा उडान गर्ने भएको छ । काठमाडौं–मुम्बई–काठमाडौं रुटमा बुधबार, शुक्रबार र आइतबार जहाज उड्नेछ ।