घोडेटार । भोजपुरको हतुवागढी गाउँपालिका १ घोडेटार स्थित खुला स्नुकर प्रतियोगिता सम्पन्न भएको छ ।
आज (शनिबार) माघे संक्रान्ती तथा किरात संवत् येले दोङ ५०८२ को अवसरमा रेड स्नुकर हाउस घोडेटारको आयोजनामा उक्त प्रतियोगिता सम्पन्न भएको हो ।
हतुवागढी गाउँपालिका अन्तर्गतका १७ जना खेलाडिहरुको सहभागिता रहेको उक्त स्नुकर प्रतियोगितामा घोडेटार बजारका विजय मोक्तान विजेता बनेका हुन् । प्रतियोगिता विजेता बनेका विजयलाई नगद रु। पाँच हजार पुरस्कार सहित प्रमाणपत्र प्रदान गरिएको थियो ।
प्रतियोगिताको उपविजेता बनेका सञ्जय मोक्तानलाई प्रमाणपत्र पत्र प्रदान गरेर सम्मान गरिएको हो ।
कोरोना भाईरसका कारण सरकारद्धारा तोकिएको मापदण्ड अपनाई हतुवागढीमा पहिलो पटक स्नुकर प्रतियोगिता आयोजना गरिएको रेड स्नुकर हाउसका संचालक नवीन भुजेलले जानकारी दिए ।
सञ्चाकल भुजेलले आगामी वर्ष अझ अनुशासित र मर्यादित बनाई बृहत् रुपमा प्रतियोगिता आयोजना तथा स्नुकर खेलको विकासको लागि हतुवागढी खेलकुद विकास समितिले पनि स्नुकर खेललाई समावेश गरेर अघि बढ्नु पर्नेमा जोड दिए ।
मिलन राईको उपस्थितमा हिजो र आज गरि दुई दिन सम्म प्रतियोगिता सञ्चालन गरिएको आयोजकले जनाएको छ ।
