झापा । झापाको गौरादह नगरपालिका–१ किराँत चोकमा ट्याक्टरबाट खसेर एक पुरुषको मृत्यु भएको छ ।
गौरीगञ्जबाट पाडाजुंगीतर्फ जाँदै गरेको मे १ त ७६८७ नम्बरको ट्याक्टरबाट झापाको कन्काई नगरपालिका–६ मनता बस्ने ४५ वर्षीय गंगा बहादुर तामाङ बुधबार बेलुकी खसेका थिए ।
दमक स्थित लाइफ लाइन अस्पतालमा उपचारको क्रममा तामाङको मृत्यु भएको हो । दुर्घटनामा संलग्न ट्याक्टरसहित चालकलाई इलाका प्रहरी कार्यालय गौरादहले नियन्त्रणमा लिएको छ ।
