काठमाडौं । सुनको मूल्य निरन्तर उकालो लागेको छ ।
सोमबार छापावाल सुनको मूल्य तोलाको दुई लाख ८२ हजार रुपैयाँ कायम भएको नेपाल सुनचाँदी व्यवसायी महासंघले जनाएको छ । यो हालसम्मकै उच्च मूल्य हो ।
सुनको मूल्य एकैदिन तोलामा ४२ सय रुपैयाँले बढेको हो । आइतबार छापावाल सुन प्रतितोला दुई लाख ७८ हजार ८०० रुपैयाँमा किनबेच भएको थियो ।
महासंघका अनुसार, चाँदीको मूल्य पनि तोलामा १८५ रुपैयाँले बढेको छ । योसँगै चाँदी तोलामा पाँच हजार ८१० रुपैयाँमा कारोबार भएको छ ।
