उदयपुर । उदयपुरको ताप्लि गाउँपालिका–५ रुपाटारस्थित शाहीडाँडामा बुधबार राति आगलागी हुँदा २८ लाखको क्षति भएको छ ।
राति अचानक आगो सल्किदा स्थानीय शुभशेर राई र कमलशेर राईको दुईवटा घर जलेर नष्ट भएका छन् ।
आगालागीबाट शुभशेरको घर, गाईगोठमा रहेका दुईवटा गोरु, तीनवटा गाई, नौंवटा बाख्रापाठा,अन्नपात, लत्ताकपडा, भाडावर्तन गरी १५ लाखको क्षति भएको जिल्ला प्रहरी कार्यालयका प्रहरी निरीक्षक मोहन थापाले बताए ।
त्यसैगरी आगलागीबाट कमलसेरको घर,दुईवटा गोरु,दुईवटा गाई,छवटा बाख्रापाठा, सुँगुर ५ वटा र अन्नपात गरी १३ लाखको क्षति पुगेको उनले बताए ।
झण्डै दुई घण्टापछि स्थानीय र प्रहरीको प्रयासबाट आगो नियन्त्रणमा आएको थियो। आगलागीबारे एकीन भएको छैन।
