रामधुनि । रामधुनि नगरपालिका वडा नम्बर ४ कार्यालयले गरिब तथा बिपन्न परिवारलाई फाईबरको सिरक वितरण गरेको छ।
कार्यालयले पुस १७ गते बिहिबार १३५ जना गरिब तथा बिपन्न परिवारलाई सिरक वितरण गरेको हो । चिसो बढेसॅंगै वडाबासीहरूलाई चिसोबाट सुरक्षित रहनको लागि न्यानो सिरक वितरण गरेको वडा अध्यक्ष कमल कार्कीले जानकारी दिएका छन्।
ज्येष्ट नागरिक तथा अति बिपन्न परिवारलाई १ परिवार १ सिरक बितरण गरेको वडा सचिव साविता कार्की पराजुलीले बताएकी छन् । कार्यालयले गतवर्ष २५ जना वडाबासीलाई फाईबरको सिरक बितरण गरेको थियो ।
कार्यालयले वडामा रहेको किसानलाई ७६२ किलो मकैको बिउ समेत बितरण गरेको छ। कार्यालयले वडामा रहेका किसानलाई प्रत्येक बर्ष बिऊ तथा कृषि सामाग्री बितरण गर्ने गरेको वडाबासीले वताएका छन् ।
