काठमाडौं । मंगलबार सुनचाँदीको मूल्य घटेको छ ।
नेपाल सुनचाँदी व्यवसायी महासंघका अनुसार आज सुनको मूल्य तोलामा २ हजार ९०० रुपैयाँले घटेको हो ।
यससँगै आज छापावाल सुनको मूल्य तोलामा २ लाख ३७ हजार रुपैयाँ कायम भएको छ । सोमबार छापावाल सुन प्रतितोला २ लाख ३९ हजार ९०० रुपैयाँमा कारोबार भएको थियो ।
यस्तै, आज चाँदीको मूल्य पनि तोलामा ६० रुपैयाँले घटेको छ । आज चाँदी २ हजार ९ सय २० रुपैयाँमा खरिदबिक्री हुँदैछ ।
