विराटनगर। फरवार्ड लघुवित्त वित्तीय संस्थाकी कर्मचारीलाई प्रहरीले नियन्त्रणमा लिएको छ ।
सेवाग्राहीमाथि हातपात गरेको आरोपमा मंगलबार बेलुका नियन्त्रणमा लिएर छाडेको हो ।
बुढीगंगा गाउँपालिका–२ स्थित गंगा चोकमा मंगलबार फर्वाड लघुबित्तकी कर्मचारी अनिता थनदारले लघुवित्तकी सेवाग्राही ३५ वर्षीय गौरा खवासलाई हातपात गरेको आरोप छ ।
मंगलबार बेलुका हातपात गरेको भन्दै भेला भएका स्थानीयले होहल्ला गरेपछि इलाका प्रहरी कार्यालय नेमुवाबाट पुगेको प्रहरी टोलीले थान्दारलाई नियन्त्रणमा लिएर जिल्ला प्रहरी कार्यालय मोरङ ल्याएको थियो ।
जिल्ला प्रहरी कार्यालय मोरङका अनुसार विवाद गर्ने दुवैलाई मंगलबार जिल्ला प्रहरी कार्यालयमा ल्याएर बुधबार (आज) आउने गरी छाडिएको बताए ।
