धनकुटा । धनकुटा नगरपालिका १० की ३१ वर्षीया सरिता श्रेष्ठको हत्या गरेको आरोपमा स्थानीय ३५ वर्षीय टल्के भनिने दिलबहादुर विशुंखेलाई प्रहरीले पक्राउ गरेको छ ।
बुधबार बिहान स्थानीय बमबहादुर तामाङको खाली रहेको घरमा मृत फेला परेकी श्रेष्ठको सम्बन्धमा अनुसन्धान गर्ने क्रममा श्रेष्ठको हत्या भएको खुलेको हो ।
प्रतिवादीको खोजतलासमा खटिएको प्रहरी टोलीले विशुंखेलाई बुधबार बेलुका पक्राउ गरेको प्रहरीले जनाएको छ ।
हत्या आरोपमा पक्राउ परेका उनीमाथि थप अनुसन्धान भइरहेको प्रहरीको भनाइ छ ।
