पाँचथर । पाँचथर बस दुर्घटनामा घाइते भएका मध्ये १९ जनाको अवस्था गम्भीर रहेको प्रहरीले जनाएको छ ।
हाल रहेका ६१ घाइतेमध्ये चालक र सहचालकसहित १९ जना गम्भीर अवस्थामा रहेको पाँचथर प्रहरीले जनाएको हो ।
गम्भीर घाइते भएकाहरुको झापा र मोरङका विभिन्न अस्पतालमा उपचार भइरहेको जिल्ला प्रहरी कार्यालयका सूचना अधिकारीसमेत रहेका प्रहरी निरीक्षक डम्बर विश्वकर्माले जानकारी दिएका छन् ।
मध्य पहाडी लोकमार्ग फिदिम खण्डको सखरखण्डे क्षेत्रमा सोमबार दिउँसो ११ बजे बस दुर्घटनामा भएको थियो ।
उक्त घटनामा लेटाङका सात वर्षीय प्रज्वल मगर र इलामका ३४ वर्षीय प्रमिला देवान र उनको सात महिनाको छोरा निश्चल देवानको मृत्यु भएको प्रहरीले जनाएको छ ।
नाम बतन खुल्न बाँकी रहेको एक महिलाको पनि मृत्यु भएको प्रहरीले जनाएको छ ।
पाँचथरको कुम्मायक गाउँपालिका र फिदिम नगरपालिकाको सीमा सिवादोभानबाट यात्रु लिएर झापा जाने क्रममा को १ ख ३८६५ नम्बरको बस दुर्घटना भएको हो ।
