बिर्तामोड । झापाको बिर्तामोड–४ कालीमन्दिर टोलमा एक महिलाको बीभत्स अवस्थामा शव फेला परेको छ ।
स्थानीयबासी तथा प्रहरीले ६८ वर्षीया विष्णुमाया विष्टको हत्या बुधबार राति भएको हुन सक्ने अनुमान गरेका छन् ।
चोरले रड तथा धारिलो हतियार प्रयोग गरेर हत्या गरेको अनुमान गरिएको छ । एकल महिला विष्टका जेठा छोरा अमेरिका र कान्छो छोराको परिवार काठमाडौँमा बस्दै आएका छन् ।
आज बिहान उनी आफ्नै घरमा मृत अवस्थामा भेटिएकी थिइन् । प्रहरीले घटनास्थललाई सुरक्षित राख्दै घटनाका बारेमा अनुसन्धान गर्न प्रहरी कुकुर बोलाएको जनाएको छ ।
