काठमाडौं । हिन्दी फिल्म ‘उचाइ’को छायांकनका लागि बलिउड अभिनेता अनुपम खेरसहितको कलाकारको टोली आईतबार काठमाडौं आइपुगेको छ ।
‘उचाइ’ को छायांकनका लागि अनुपम खेरसँगै अभिनेत्री परिणिती चोपडा, अभिनेता बोमन इरानी, सारिका हसनलगायतको टोली काठमाडौं आइपुगेको हो ।
कलाकार खेरले ट्विटरमार्फत काठमाडौं आइपुगेको जानकारी दिएका छन् । यो समुहले सोमबारदेखि नै छायांकन प्रारम्भ गरिसकेको छ ।
उनले नेपालमा छायांकन हुने यो फिल्म उनको करियरको ५२०औं फिल्म भएको रहेको बताएका छन् ।
फिल्म ‘उचाइ’ को टोली करीब ४० दिन नेपालमा रहने बताइएको छ ।
बलिउडका स्थापित निर्देशक सूरज बडजात्याको निर्देशनमा निर्माण हुन लागेको ‘उचाइ’मा अभिनेता अमिताभ बच्चन र डेनी डेन्जोङ्पाको अभिनय रहने भए पनि उनीहरू भने नेपाल आइपुगेका छैनन् ।
बलिउडको स्थापित राजश्री प्रोडक्सनले यो फिल्म निर्माण गरिरहेको हो ।
