रुपन्देही । दाङमा जुकाको औषधि खुवाउँदा घाँटीमा अड्किएर १८ महिने बालिकाको मृत्यु भएको छ ।
गढवा गाउँपालिका –४ अजगढवाका शिवकुमार यादवकी छोरी जमुना यादवका जुम्ल्याहा छोरीमध्ये कान्छी छोरीको मृत्यु भएको हो ।
गढवा गाउँपालिका –४ रामनगरमा भिटामिन ‘ए’ र जुकाको औषधि खुवाउन शिवकुमारले जुम्ल्याहा छोरीहरु लिएर त्यहाँ पुगेका थिए । जेठी छोरीलाई खुवाएपछि कान्छीलाई खुवाइएको थियो तर कान्छीको घाँटीमै त्यो औषधि अड्किएको थियो ।
एकछिनमा बालिका अत्तासिइन् र श्वास रोकिएर मृत्यु भएको गढवा गाउँपालिकाका स्वास्थ्य अधिकृत कैलाशचन्द्र चौधरीले बताए ।
इलाका प्रहरी कार्यालय गढवाले बिहीबार नै बालिकाको घाँटीमा औषधि अड्किएकोले यस्तो घटना भएको जनाएको छ ।
‘
