काठमाडौं । पछिल्लो २४ घन्टामा ५ सय ४९ जनामा कोरोना भाइरसको संक्रमण पुष्टि भएको छ ।९ हजार ७ सय ४६ जनामा नमुना परीक्षण गर्दा ५ सय ४९ जनामा कोरोना संक्रमण पाइएको शुक्रवार स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार ७ हजार १ सय ४५ जनामा पीसीआर परीक्षण गरिएको थियो भने २ हजार ६ सय १ जनामा एन्टीजेन परीक्षण गरिएको थियो ।
यससँगै हालसम्म मुलुकभर ९ लाख ६ हजार ३ सय २५ जनामा कोरोना संक्रमण पुष्टि भएको छ । शुक्रवार ६ संक्रमितको मृत्यु भएको छ । यससँगै हालसम्म मुलुकभर कोरोना संक्रमणबाट ज्यान गुमाउनेको संख्या ११ हजार ३ सय ८८ पुगेको छ ।
