इटहरीमा गीतकार किरण टि लिम्बुका गीत प्रस्तुत गरिने
इटहरी । गीतकार तथा पत्रकार किरण टी लिम्बूको पलेँटी कार्यक्रम गरिने भएको छ ।
नझरेका फूलहरुको आयोजनामा संगीत साधना प्रतिष्ठानको भवनमा यही जेठ १२ गते शनिबार कार्यक्रम गरिने भएको हो ।
स्कुलेअवस्थादेखि नै गीत, कविता लेख्न थालेका उनले पछि गजल लेखनतर्फ समेत कलम चलाएका थिए । अहिलेसम्म उनका करीब ३२ वटा गीतहरू सार्वजनिक भएका छन् । जसमध्ये दुई वटा नेपाली चलचित्रका छन् । उनले अहिलेसम्म पाँच दर्जन बढी गीतहरु लेखेका छन् ।
गीतकार संघ नेपालको आजीवन सदस्य लिम्बु २०७३ र २०७६ सालमा वर्ष गीत पुरस्कारबाट सम्मानित भएका छन् ।
बेलायती सेनामा काम गरेका उनले पछि बेलायत रहँदा २०६७ सालदेखि नेपाल पत्रकार महासंघ बेलायत शाखामा पत्रकारितामा आवद्धसमेत थिए ।
