झापा । झापामा मोटरसाइकलको ठक्करबाट एक पैदल यात्रीको मृत्यु भएको छ। मृत्यु हुनेमा कनकाई नगरपालिका–८ निवासी ६५ वर्षीया गीतादेवी खत्री रहेकी जिल्ला प्रहरी कार्यालय झापाले जनाएको छ।
कनकाई नगरपालिका–८ स्थित लक्ष्मीपुरमा १–०३–००१ प १८४६ नम्बरको मोटरसाइकलले पैदलयात्री खत्रीलाई ठक्कर दिएको थियो। ठक्करबाट गम्भीर घाइते भएकी उनको बिर्तासिटी अस्पताल बिर्तामोडमा उपचारको क्रममा मृत्यु भएको हो।
प्रहरीले मोटरसाइकलसहित चालकलाई नियन्त्रणमा लिएको छ।
