उदयपुर । उदयपुरमा घरमा सुतिरहेकी एक महिला बलात्कृत भएकी छन् ।
आफ्नै घरमा सुतिरहेका बेला ५५ वर्षीया महिलालाई स्थानीय पुरुषले बलात्कार गरेका हुन् । यस घटनामा प्रहरीले त्रियुगा नगरपालिका –६ गडमेका ३५ वर्षीय जीवन कार्कीलाई पक्राउ गरेको छ ।
कार्कीले ती महिलालाई आफ्नै घरभित्र सुतिरहेको अवस्थामा करणी गरेको जाहेरीका आधारमा प्रहरी चौकी लालपत्ताबाट खटिएको टोलीले आज बिहान नियन्त्रणमा लिएको जनाइएको छ ।
प्रहरीले उक्त घटनाको सम्बन्धमा थप जाँचबुझ गरिरहेको छ ।
