एजेन्सी । तेलुगु सिनेमाका सुपरस्टार शिव रामा कृष्ण घट्टमानेनीको निधन भएको छ ।
तेलुगु स्टार महेश बाबुका पितासमेत रहेका उनको आज बिहान निधन भएको हो । तेलुगु सिनेमामा उनलाई सुपरस्टार कृष्णाको नामले चिनिन्छ । करिब ३५० फिल्ममा अभिनय गरेका कृष्णा यसै वर्षको सेप्टेम्बरमा श्रीमती इन्दिराको निधनपछि डिप्रेसनमा थिए ।
हृदयघातका कारण आज बिहान ४ बजे उनको निधन भएको हो । उनी आफ्नो समयका शीर्ष कलाकार मध्येका एक थिए । उनी अभिनेता, निर्माता, निर्देशकका अलावा राजनीतिज्ञ पनि थिए ।
यससँगै उनलाई सन् २००९ मा पद्मभूषणबाट पनि सम्मानित गरिएको थियो । उनका ३ छोरी, महेश बाबु र जेठा छोरा रमेश बाबु थिए । लामो समयदेखि कलेजोको रोगबाट पीडित रमेश बाबुको पनि यस वर्ष जनवरीमा निधन भएको थियो ।
